Láru blogg

2006-12-29T02:51:00.000Z

í dag grenntist druslan um tvöþúsund orð, ég fór út að borða með skvísum, leit út eins og ég hefði lifað af tískuslys, teiknaði Móðir Theresu yfir holt og hæðir og reyndi við Þorlák helga með afar dræmum undirtektum. Pictionary rokkar feitt....

2006-12-28T01:21:00.000Z

ekki nýtt ár, engin áramótaheit, bara óstjórnlega bloggvænar ólgandi fréttir....Í gær málaði ég hommalegustu piparkökur sögunnar!

..svona hóft síðasta tilraun mín til bloggs...sem framin var þann fjórtánda nóvember síðastliðinn. Ég hætti semsagt við þegar önnur lína var rétt svo hafin og rúmlega mánuði síðar ætla ég að gera aðra og gæfulegri tilraun.

Nú er staðan svoleiðis á Lárunni að hún er farin að sjá fram á líf eftir stress tímabil dauðans, já ég segi dauðans, því aldrei hef ég nokkurntímann upplifað annað eins. En tímabilinu er því miður ekki enn lokið og ég vinn hörðum höndum að því að púsla saman textabúnti og hnoða orðunum saman í heildstæða lokaritgerð, skreyta með heimildatilvísunum og ólæsilegum usst og nottla dæmum...vonandi verður útkoman meira straight en bleikmáluðu piparkökurnar mínar.

Það er ofsalega gott að vera á Akureyri, fjölskyldufaðmurinn er ansi góður og meðlimirnir með nægilega breitt bak til þess að fá Láruna heim úr ritgerðargeðveikinni þarna fyrir sunnan. Ég er búin að hafa það agalega gott, sofa og borða sem hefur eitthvað farist fyrir undanfarnar vikur og skellti mér meiraðsegja á almennilegt djamm í gær. Stútaði hvítvínsflösku á innan við klukkutíma, bað þjónustustúlkuna á barnum að selja mér eitthvað sem ekki myndi valda þynnku, endaði með tvöfaldan malibu blandaða í einhverja gula vælu sem er skotheld leið beint ofaní klósettskálina. Ég var samt sjálfri mér og öðrum til skemmtunar, grítandi frönskum í frændur og höslandi eftirpartý vegna fyrrnefndra fíflaláta.

Ég hafði hugsað mér að taka upp blogghanskann í þessum orðum en til þess að þetta virki sem skildi þarf ég að taka síðuna mína enn og einu sinni í gegn...það gengur ekki að hún sé skökk og ólæsileg.

Þangað til næst bið ég ykkur öll vel að lifa, eigiði hjólandi góð jól, skemmtið ykkur á skíðum og njótiði nýja ársins....

Lífið er ljúft og Láran er byrjuð að blogga!!!
húrra....

2006-05-28T03:18:00.000Z

jájájá..ég litaði augun mér með fatatúss í kvöld...ætli ég vakni blind á morgun?
Kvöldið fær kudos, nýir vinir sem vonandi hanga inni, refused og elskulegasta fólkið mitt....allt nema knústilfinningin sem virðist aldrei ætla að hverfa! are u here to stay?

2006-05-02T23:05:00.000Z

já...brjálað að gera í aðgerðarleysinu. Merkilegt hvað maður getur haft mikið að gera án þess að koma nokkru í verk! Árshátíð Góðs fólks um helgina þar sem morð verður sett á svið og menn verða í búning. Ég er á leiðinni á hverjum degi að redda mér kössum til að byrja að pakka niður búslóðinni minni, íbúðarafhending eftir nokkra daga..sem þýðir, styttra í málningarslettur út á kinn og innflutningsgrillpartý á pallinum!
Ég sem vissi ekki að *andvarpið* efst á síðunni væri færanlegt...blikkblikk!

2006-04-16T17:57:00.000Z

You'll Look a Little Lovelier Each Day with Fabulous Pink Lára.

tékkið á the advertising slogan generator

austurrískar kveðjur

2006-04-06T09:15:00.000Z

ég er ekki bitur...takk! ég er glöð, full af tilhlökkun og ég er ánægð...undarlegt en satt, þá er fátt sem kemur mér út jafnvægi þessa dagana, sem er gott. En ég þarf samt að hanna nýja síðu, sem mér finnst skítt því eitthvað í einhverjum netvöfrurum höndla ekki eitthvað í uppsetningunni á síðunni minni, kann ekki að útskýra vegna þess ég skil það ekki og þessvegna get ég heldur ekki breytt því í template-inu sem þessi síða byggist á.
En að öðru...
Ég ætla eftir 7 daga að setjast uppí flugvél með meirihlutanum af fjölskyldunni minni og ganga með þeim, stærri litlu systur minni og Lallanum um Vínarborg um páskana. Vonandi verð ég orðin prósentuhlutaíbúðareigandi þegar þar að kemur...*krossafingur* svo ef allt gengur er það bjór á pallinum í sumar...og þér er boðið!
Kudos: áframhaldandi vinna á Góðu fólki og tími til að surfa tónlist í vinnunni og uppgötva ný bönd í tugatali...

Hafið það skítt...

2006-03-30T12:42:00.000Z

þegar eg er búin að finna íbúð og tryggja mér hana, sauma peysuna mína, laga skóna mína, taka til í íbuðinni minni, mála húsgögnin mín, skipta um áklæði á sófanum mínum, ganga frá fötunum á gólfinu mínu, sópa gólfið, þrífa baðið og kaupa inn ætla ég að gera nýja síðu....ég er orðin leið á því að fólk noti svarta hægristilltakonumyndina sem hangir yfir textanum sem afsökun fyrir því að lesa ekki! Ég leggst undir feld með fartölvuna og finn eitthvað nýtt....þangað til...sættið ykkur við þetta sökkerar og blokkerið textann..já eða sleppið því að lesa!

2006-03-28T13:59:00.000Z

mér finnst einstaklega kómískt að veffang reykjaneshafnar sé hass.is!! einhver sem getur séð tenginguna þarna á milli?

2006-03-26T05:05:00.000Z

það er ekki kúl að vera með blöðrur á iljunum og milli tánna (halló!) af "nýju" gömlu skónum manns..og allra síður að reka tánna í á leiðinni heim og detta nánast í gangstéttina....damn djöfulsins heimlabb!
Kudos: skoða íbúðir og sjá fram á að flytja af stúdó!!

2006-03-22T01:44:00.000Z

héðan í frá ber ég nafnið klósettpappírspési..jább...ég hef ávallt haldið því fram að ekkert pent fyrirfinnist í mér og yfir mér sé ekkert "grace" og það sannaðist svo sannarlega í kvöld! Ég semsagt fékk vonandi fullt af ansi fínu fólki til að hlæja að mér en ekki með mér, þegar ég rölti með heila klósettrúllu undir skónum eftir bjórskil á baðrúminu í kvöld...*kjánahrollur* Það hló samt enginn meira en ég sjálf, djöfulsins klaufabárðaasnadjöfull get ég verið...KOMA SVOOO!!!

2006-03-21T15:51:00.000Z

mig langar að leggjast í dvala...ætla samt að púlla nákvæmlega það andstæða í kvöld og vera umkringd fólki!! Ég geri ekkert þessa dagana sem er skynsamlegt eða gott fyrir mig...enda hrapar líðanin og þreytan magnast upp eins og mjólkursýra í vöðva..þetta madness endar með því að einn daginn hryn ég niður í hundrað ár! Það verður verðskuldaður svefn.
Kudos dagsins: ekkert
Lowpoint: hver einasta mínúta

2006-03-16T17:42:00.000Z

mig langar að kýla eitthvað eða fá knús...takk!

2006-03-16T10:26:00.000Z

Ég er með ofnæmi fyrir peysunni minni...og það er ekkert grín! Hún er úr angoru-ull og hef ég lúmskan grun um að það sé byggt á svipuðum grunni og ofnæmið mitt fyrir köttum. Ekki frekar en ég hætti að knúsa kisur vina minna hætti ég að ganga í þessari peysu, það verðu bara að hafa kláðann í hálsinum, þurrkinn í munninum og óþægindin í húðinni...Ég gef mig ekki á vald þessum óviðjafnanlega leiðinlegu og tilgangslausu árásum ofnæmiskerfisins míns við sárasaklausum, fallegum, mjúkum og meinlausum hlutum...takk!

2006-03-15T22:34:00.000Z

Er aftur komin í blogglægð, veit ekkert hvað ég á að babbla hérna. Glatað 1. Mögulega er það vegna þess að ég hef ekkert gert, hvorki uppbyggilegt, skemmtilegt, leiðilegt né niðurdrepandi nema vinna. Glatað 2. Er farin að fá martraðir á næturnar vegna ókláraðrar og illa sinntrar ritgerðar sem fær akkúrat enga athygli þessa dagana vegna fáránlegs álagstíma. Glatað 3. Það er fullkomlega fáránlegt að reyna að finna sér eitthvað meira til að gera í vinnunni eftir 9 tíma setu, bara vegna þess maður veit akkúrat ekkert hvað maður á að taka sér fyrir hendur og er algjörlega búinn að gleyma því hvernig skemmtilegt er að eyða frítímanum. Glatað 4. Ég þarf mjög nauðsynlega að fara að halda stífa dagbók yfir hlutina framundan, ég er alltaf með þessa tilfinningu í mér eins og ég eigi að vera að gera eitthvað annað en ég er að gera og sé allaf að lofa mér tvöfalt fram í tímann. Glatað 5. Ég er semsagt fullkomlega dead in the head í dag sem verður glatað 6. á lista dagsins og ætti mögulega að sturta af mér hlaupasvitann og henda mér upp í rúm.
Kudos dagsins fá Brennsluskvísurnar Bjarnveig og Helena fyrir gott knús, kaffi og spjall.

2006-03-08T23:42:00.000Z

Já og ég er enn að vinna....sit hérna alein og syng, leiðrétti stafsetningavillur mér til lifibrauðs og hef það bara ágætt þrátt fyrir þráláta vinnu að baki og framundan! Verð örugglega á þessum tíma á morgun farin að óska ársskýrslu Straums dauða...þangað til þá er það bara beygja, fletta, leiðrétta og yfirstrika....áfram nú..KOMA SVO!!!!

2006-03-03T01:44:00.000Z

it´s past my bedtime...ég veit, ég er orðin agaleg A manneskja, vakna kl. 6 í ræktina og svona..vel á minnst A manneskja! Undanfarna sunnudaga hef ég dustað rykið af BA-ritgerðarfróðleiknum mínum og setið á Kaffibrennslunni með svarta bókina, sem ég sparaði 500 kr á með því að fá kápulausa og mánuði seinna frá amazon.com. Þessi fáu skipti sem ég hef setið úldin og þreytt, mygluð og morkin yfir lærdómnum hafa ansi of oft undið sér að mér stöku aðilar og spurt óþægilega en agalega nærgætilega hvort ég sé að lesa AA bókina. Þar sem ég stend sjálfa mig oft að því að vera skelþunn með Language and the internet bókina mína fyrir augunum hefur mér fundist þessi spurning agalega skondin! Þetta er semsagt sagan til næsta bæjar að Láran mæti einu sinni í viku með AA bókina og glósi, yfirstiki og drekki í sig fróðleikinn eins og hún eigi lífið að leysa..skelþunn á þynnkubömmer með setninguna...aldrei aftur hljómandi í hausnum á sér! Árshátíð Mímis á morgun og Brennslan, bókin og bömmerinn á laugardaginn...

2006-02-28T23:04:00.000Z

Einhver umræða hefur átt sér stað undanfarna daga á vinnustaðnum mínum um alvarleika fuglaflensunnar sem virðist breiðast eins og eldur í sinu um meginland Evrópu þessa dagana. Eitthvað hefur borið á því að fólk sé hvatt til að sanka að sér dósamat, ég á nokkrar af túnfisk, ananas og maískornum held ég, ef til þess kæmi að skikka þyfti fólk í einangrun heima hjá sér. Eins og mér finnst þetta ógnandi fyrirbrigði hef ég samt sem ekki hugsað svo langt fram í tímann og gert svo miklar ráðstafanir.
Það er þó eitt sem gæti nýst vel ef ég þyrfti að húka einsömul í holunni minni í einangrun til lengri tíma. Ég fór á bókamarkaðinn og heildverslaði bækur..ég komst að því þar sem ég rölti um markaðinn með sívaxandi staflann af þungum, fróðlegum og skemmtilegum bókum í fanginu að ég hef enn ekki komist yfir að lesa allt sem ég keypti þar í fyrra. Ora túnfiskur og Orðabók andskotans væri því ágætis kombó í einverunni...

2006-02-21T21:57:00.000Z

Áður en lengra verður haldið niður þennan póst ber mér að benda þér á, ef þú hefur ekki tekið eftir því við innkomuna að það er nýtt textabrot á upphafssíðunni. Þætti mér afar vænt um ef þú myndir láta þína skoðun á því í ljós...takk...

Laglínan sem situr í mér í dag er sungin af Sufjan Stevens: I have made a lot of mistakes..(lagið er að finna á multiplyinu mínu) en þar sem ég fer að velta því fyrir mér með þessari annars yfirlýsingaglöðu og meiningarmiklu línu...er þetta satt? Hef ég gert mörg mistök á lífsleiðinni, orðið á svo illa hafi veist af??
..lasleiki síðustu daga hefur haft ágætis áhrif á eigin naflaskoðun, fátt annað að gera en horfa inn á við og leita að dimmum skúmaskotum í eigin sjálfi og reyna að rýna í myrkrið sem þar er að finna.
Með vorkomu boða ég betri Láru til starfa...en eitt sem mig langar til að velta upp og svari þeir sem svara vilja...eru vonir undanfari vonbrigða?

2006-02-15T13:11:00.000Z

heilbrigðasti dagur í heimi....einsoghálfstíma vörkát í morgun með gunnunni, brakandi ferskur sjeik í morgunmat, salat and stuff...sólin skín, pabbinn í bænum og láran er kát...
hvað er ætlar þú að gera skemmtilegt í dag?

2006-02-13T20:13:00.000Z

Mér finnst afskaplega merkilegt hversu lítið manni finnst eigið líf stundum spennandi. Ég ætla taka til við að eignast líf...það má þó ekki skiljast sem svo að ég eigi mér enga vini né engin áhugamál. Hugurinn heldur bara það sem hann vill oft á tíðum. Núna til dæmis sit ég á kaffihúsi og er að koma mér í áður þekktar en ryðgaðar stellingar...Planið er að vera dugnaðurinn uppmálaður og halda áfram að skrifa frá mér hugmyndaflugið og lesa mér mögulega til fyrir eitt stykki BA-ritgerð...Þetta er líf í lagi!

2006-02-08T18:01:00.000Z

Vegna hausverks og almenns slens náðu afar fáir kröftugir tónar eyrum mínum í dag, en það sem náði að ylja mér um hjartaræturnar og jafna verkinn á milli eyrnanna minna í dag má nálgast á lárbertsíðunni minni. Þetta eru eðal tónar sem ná að hreyfa við mér en ekki koma mér úr jafnvægi...sem virðist vera svo auðvelt þessa dagana!
Við þessu bölvaða sleni keypti ég mér þrusu c-vítamín á leiðinni heim og til þess að koma í veg fyrir að ég verði rúm eða sófaliggjandi næstu daga er ég búin að innibyrða 1334% af ráðlögðum dagskammti af sólberja c-vítamíni..amminamm :)

2006-02-07T17:18:00.000Z

hlutunum er alls ekki á þann veg háttað að mér leiðist í vinnunni...en örsjaldan er stund milli stríða og þá nýtir maður tímann í gott og upplýsandi netfyllerí....Eins og með önnur fyllerí heppnast þau misvel og misjafnt er hvort eitthvað situr eftir. Þessa stundina er ég búin að sitja við tölvuna og hlusta á Mew (þúsund sinnum takk Birkir!) sem hefur prentast inn á tilfinningastöðvarnar og stjórnar nú öllu í mínu systemi....en það var ekki það sem ég ætlaði að segja....já, ég fann snilldina eina, á vísu eftir að sannreyna þetta, morgundagurinn fer í það...en kanika.net/mixteip er málið! Kem með upplýsandi vitneskju um þetta mál eftir reyninguna..þangað til hafið það gott!

2006-02-07T09:15:00.000Z

koma svooo...!!

2006-02-03T17:51:00.000Z

Kimono í gær og Kimono aftur í kvöld, hrein og bein snilld. tékkiði á þeim hér. Lagið sonar er búið að vera sérstaklega mikið spilað í dag. Það er sungið á esperantó sem fær mig undarlega mikið til þess að hugsa um Þórberg Þórðarson...ég er minn eigin asni!

2006-01-31T19:03:00.000Z

ó svo súrt....er að lesa tryggingaskilmála og er farin að flissa yfir hinum fáránlegustu hlutum. ég veit allavega hvað gerist ef ég andast á ferðalagi með vísakortið í vasanum, eitthvað kemur fyrir flutningsfarið mitt, á legi eða lofti!! þetta er drep...

2006-01-28T21:49:00.000Z

planið í gær var að þjóta í flug beint eftir vinnu og heimsækja fjölskylduna norður í landi. Eftir 2 tíma bið á vellinum þurfti ég að labba heim með skottið á milli lappanna, því öll flug voru uppbókuð og ekki pláss fyrir lítinn Lárbert þar á meðal.
Til þess að bæta upp planleysi kvöldins var bjórinn kældur í snatri, pizza kölluð í hús og græjurnar settar í botn og upp hófst eins manns partý með stökum viðkomum góðra aðila í hús. Viðkomustaðir kvöldsins voru þorrablót Röskvu á Stúdentakjallaranum, gamla góða Brennslan, Kofinn og Celtic. Þessum eðal hring var lokað með leigubílaferð heim um 4 leytið, sem þýddi að ég svaf ekki mikið áður en ég mætti út á flugvöll kl 8 í morgun!! Hefðin var haldin, þreytt og afar þunn flugferð var farin norður og dagurinn nýttur í bílakaup, bílaþvott, bílaferð, bíladást og bílaást....Svo er það roadtrip á morgun!

2006-01-27T00:16:00.000Z

Úh...so næs...var í púl og drekka bjór áðan með vinnugellum. Rokkaði feitt með kjuðann, 2oní í einu skoti og alles...almost beginners luck hefur droppað við hjá mér í þetta sinn, thats all! Ég er kát...búin að festa augun á einum girnilegum, er að ganga frá öllu sem til þarf svo við getum liðið saman um göturnar um ókomin ár. Verður ógurlega gott að vakna upp af þessari bílamartröð...

2006-01-24T23:22:00.000Z

óh...ég var á svo awesome tónleikum í kvöld! hausinn er að springa, hjartað hamast enn í takt við bassatrommutaktinn og eyrun þola ekki meiri tónlist í bráð...en djöfull var þetta næs!

2006-01-24T00:06:00.000Z

jæja...ég kom mér loksins í verkið. Búin að langa til að púlla þetta síðan í prófunum. Á aðeins eftir að laga til og gera eitthvað skemmtilegt og sniðugt...en hvernig lýst ykkur svo á?

2006-01-22T18:56:00.000Z

undur og stórmerki gerast enn...ég er að elda!!!

2006-01-19T21:16:00.000Z

Þá er hann floginn á vit annarra, minn elskulegi. Ekki var það eilífðin sem tók við honum, heldur hæfur einstaklingur til eigna á gömlu yndælisgrey sem hann er. Gott að vita af honum í höndum einhvers sem nennir að dytta að honum og sjá um hann. Ég hef að því leyti ekki verið góður eigandi, en vonandi í staðinn gefið honum hlýju og ágætis framkomu. KR 112 lifir enn...en ég ætla að fá mér nýjan bíl!

2006-01-18T23:39:00.000Z

þetta er hundurinn ég..

gone2thedogs.com

2006-01-17T21:25:00.000Z

ég er þreytt....Þegar ég verð þreytt þá verður ekki bara líkaminn minn þreyttur, heldur hugurinn, eljan, sjálfið og allt sem mér tilheyrir. Allt saman hrapar þetta niður í hin dýpstu myrkur sálar minnar.
Þar dúsum við saman í einum kór, en það eina sem við eigum sameiginlegt á þessari stundu er að líka ekki við Láruna. Ég þoli ekki að finnast ég ekki vera til neins megnug, hafa enga orku, koma engu í verk, fljóta stjórnlaust áfram og geta engu ráðið, vita ekki hvað bíður mín og ég gæti haldið áfram endalaust....þetta flýtur allt saman eins og olía á vatni sjálfsins míns og bíður eftir að skolast á land...hver veit hvað tekur við mér þegar þangað kemur....crap!

2006-01-16T19:00:00.000Z

bíll eða ekki bíll...þetta er eitthvað það leiðinlegasta og erfiðasta sem ég hef velt fyrir mér í langan tíma! Mér líður eins og lækni sem stendur frammi fyrir þeirri siðferðislegu spurningu um líknardráp. Hvað gerir maður við aldraðan vin, sem á sér einn fjórhjóladrifinn plús, en böns af öðrum mínusum, sem óneitanlega draga úr kostum hans? Svíkur maður hann í ellinni, hendir honum á stað þar sem enga ást er að fá eða kastar maður pening í hann og heldur áfram að treysta á dvalandi styrk hans?
ég segi pass á meðan ég er á ömmunni....

2006-01-15T19:37:00.000Z

aah...hvað það er gott þegar allt er hreint í kringum mann! Ég þarf nauðsynlega að festa kaup á ryksugu...hreinlega hundraðprósent hagstætt!!

2006-01-10T23:18:00.000Z

Fór í þessu að hugsa um hversu það er fáránlegt hvað maður bindir sig við dauða hluti. Ástæða þessa hugsana er sú að þær vangaveltur hvort taki sig að gera við elskulega farartækið mitt eru enn á borðum. Ég hef alltaf átt við þetta vandamál að stríða að geta illa séð af kærum hlutum. Ég hef aldrei getað hent neinu og hugsa á þeim tímapunkti þegar staðan sú að halda eða sleppa, að það gæti komið upp sú staða að ég þyrfti á hlutnum að halda. Því er litla íbúðin mín full af fötum, dóti og drasli sem ég aldrei nota. Leiðindarávani sem ég þarf nauðsynlega að hemja betur. Hversvegna taka svona vangaveltur bólfestu í huga manns? Er það vegna ofurtilfinningasemi, þeirri hæfni manns til að bindast hlutum sem í raun ættu ekki að hafa neitt tilfinningagildi fyrir mann.

Spurning hvort ég fari að gera þetta blogg að einhverjum útrásarvettvangi. Ég hef undanfarið talað í gátum og voðalega fátt viljað segja um mig og mína stöðu. Reynt að halda í húmorinn og segja eitthvað fyndið sem fólk myndi vilja kommenta á. Í staðinn fyrir að glæða húmorinn og skrifæðið hef ég myndað tappa. Ég hef ekkert haft að segja og ekkert viljað segja.

Ég finn fyrir ólgu orðanna inn í mér og langar að finna leið þeirra út fyrir mínar varir, huga og hjarta...veit ekki á hvaða vettvangi er best að hleypa þeim af stað, við hvern er best að tala og jafnvel vefst umræðuefnið eilítið fyrir mér. Tilfinningin fyrir frelsinu sem orðin munu veita mér er til staðar og knýr mig áfam á hverjum degi.

2006-01-10T00:12:00.000Z

komin með nýja síðu...veit ekki hversu dugleg ég verð að hlussa einhverju inn á hana, hef ekki staðið mig nægilega vel hér undanfarið...en batnandi manni er best að lifa..right? endilega kíkið

2006-01-09T17:06:00.000Z

Fór með elskulega bílinn minn í viðgerð í gær...bjóst alveg eins við því að elskulegi væri látinn, en hann stóð sig með prýði og keyrði þangað einn og óstuddur, að vísu með dyggri aðstoð minni þrátt fyrir að hafa neitað í gang fyrir jól! Á því ekki von á því að hann verði úrskurðaður látinn heldur getum við unað saman um götur reykjavíkur í nokkurn tíma í viðbót...gleðigleði.

2006-01-05T16:40:00.000Z

sit í nýju vinnunni sem er btw frábær í alla staði og er að bíða eftir því að geta lesið yfir auglýsingu sem á að fara í birtingu á morgun. Ég ætla ekki að segja hvaða auglýsing það er, þá væri hægt að bauna á mig ef ég er ekki að standa mig nægilega vel!! Annars er þetta barasta frábærlega yndislega frábært, hefði aldrei trúað því að tíminn geti liðið svona hratt, það væri hægt að fá borgað fyrir það að láta sér detta sniðugir hlutir í hug og fá að kommenta á flest það sem manni finnst athugavert. Gaman að fá loksins borgað fyrir það að vera málnotkunarnörd...

2006-01-02T16:02:00.000Z

Vonandi draga heimskupör mín og vitleysuheit ekki úr trú góða fólksins á mér. Ég fattaði þar sem ég sat með 30 manns á jólahlaðborði rétt fyrir jól og gengdi því skemmtilega hlutverki að vera "nýja stelpan" að ég hafði farið í bolinn minn öfugan fyrr um daginn...sat vonandi ekki þarna og spjallaði við þetta ljúfa lið með miðann uppúr að framan!
minns kominn aftur suður í siðmenninguna...nýja vinnan á morgun og allamalla það er ekki laust við að tilhlökkunarstresskvíða hnúturinn stækki með hverjum deginum!

2005-12-30T18:00:00.000Z

er með tilhlökkunar kvíðahnút í maganum..ný verkefni, breyttir tímar og nýtt ár handan við hornið!!

2005-12-26T16:46:00.000Z

spoooiiijng.....prófin búin og jólin komin...hóhóhó...gleðileg jól allir saman, einntveirþrír!!
veit ekki með ykkur, en ég er búin að hafa það hrikalega gott...Sjallinn í kvöld og viti menn ég er að hugsa að pakka saman veiðarfærunum og fara angalaus út að djamma, reynslan hefur sýnt mér að skyr.is er öllu skárra en norðlenska kea ruslið...skilji þeir sem skilja munu...ætti ég kannski að hætta að borða skyr??

2005-12-17T00:36:00.000Z

Þá er eftir lengsti og leiðinlegasti skíturinn....þetta verða erfiðir og einstaklega leiðinlegir dagar fram að langþráðu jólafríinu! Held ég hafi ekki áttað mig á því hversu brjálað hefur verið hjá mér undanfarnar vikur og mánuði. Ummæli einnar góðrar frauku voru á þá leið að ég hafi ekki komið upp til að anda í langan tíma.
Spurning um hvort maður er búinn að koma sér upp of góðu álagsþoli!! Ef draumur næsta árs verður að veruleika, sem er þessa stundina mjög líklegt, minnkar það ekki mikið...en í jólafríinu skal andað..

2005-12-15T19:41:00.000Z

Þér er ráðlagt að treysta því að hlutirnir verði eins og þú ein/n vilt og að þér sé ætlað stærra hlutverk en þú sinnir í dag. Endir er á bið sem hefur einkennt umhverfi þitt og líðan þína nýverið. Útkoman uppfyllir óskir þínar og þrár. Málin taka stökkbreytingum á skömmum tíma.

...ég held enn í vonina!!

2005-12-15T16:42:00.000Z

..Don't let the world bring you down. Not everyone here is that fucked up and cold.
Remember why you came and while you're alive experience the warmth before you grow old. (The warmth-Incubus)

2005-12-14T20:49:00.000Z

það er annaðhvort botninn eða toppurinn..kemur vonandi í ljós á morgun!!

2005-12-13T19:17:00.000Z

Ég iða af tilhlökkun og eftirvæntingu eins og lítill krakki í bið eftir jólunum, en samt sem áður líður mér þessa dagana eins og ég sé að verða agalega fullorðin. Spurning um að leggja leðurjakkanum, kippa úr sér neflokknum, hafa hárið uppsett og ganga í hælum....neh, frekar verð ég fullorðinslegur röfftöfftöffari!!

2005-12-12T21:20:00.000Z

það ætti að banna ritgerðir....nenni þessu allsalls ekki!

2005-12-10T15:13:00.000Z

get ekki að því gert, þrátt fyrir að finnast fegurðarkonseptið fáránlegt, að finna til pínulítils stolts, þjóðarstolts!!

2005-12-10T12:57:00.000Z

þrátt fyrir slappleika, svefnleysi og passlegt stess tókst mér að klára þessi próf...núna er það bara pikkið sem er eftir, ritgerðir fram í rauðan dauðann!!

2005-12-09T12:57:00.000Z

oj..ég er svo tussuleg! Þoli ekki að vera slöpp og það í prófum. hnuss... Slappleiki grefur undan minni sjálfsvissu og trausti, mér líður eins og aumingja með hor og slef, finnst við svona aðstæður að ég sé aðeins að ímynda mér þetta til þess að komast auðveldlega í gegnum prófin. Þegar rofar til í hausnum á mér um stundarsakir og slímið sjatnar, parkódínvíman er á bak og burt þá veit ég að ekki er um andlegan tilbúning að ræða....hausverkurinn er algjörlega alvöru!!

2005-12-07T17:21:00.000Z

mér fellur einkar vel að hlæja að óförum annarra og því kætti það mig mjög að fara í bónus og sjá jólagosfreistingarsamstæðu egils falla til jarðar og rúlla um öll gólf! það þarf lítið til að toppa merkingarfræðidauðann sem ég er stödd í, en þetta hefði samt verið fyndið á próflestrarlausum degi...

2005-12-06T14:50:00.000Z

næst síðasta búið og bara það síðasta eftir!

Sótti um grown up vinnu í gær...sjáum til hvað setur...þangað til er það íslensk merkingarfræði, ritgerð um Guðmundarkvæði Arngríms Brandsonar og tugblaðsíðna dagbók um Þórberg Þórðarson!!

Bráðum koma blessuð jólin...

2005-12-03T17:44:00.000Z

Óheppilega orðaðar auglýsingar

1. Sérstakur hádegisverðarmatseðill: Kjúklingur eða buff kr. 600, kalkúnn, kr.550, börn kr. 300.
2.Til sölu: Antikskrifborð, hentar vel dömum með þykkar fætur og stórar
skúffur.
3. Nú hefur þú tækifæri til að láta gata á þér eyrun og fá extra par með
þér heim.
4. Við eyðileggjum ekki fötin þín með óvönduðum vélum, við gerum það
varanlega í höndunum.
5. Til sölu nokkrir gamlir kjólar af ömmu í góðu ástandi.
6. Þetta hótel býður upp á bowlingsali, tennisvelli, þægileg rúm og
aðra íþróttaaðstöðu.
7. Brauðrist: Gjöfin sem allir fjölskyldumeðlimir elska, brennir brauðið sjálfvirkt.
8. Ísafjarðarkaupstaður: Starfsmann vantar, kvenmann, til starfa.
9. Vantar mann til að vinna í dínamítverksmiðju. Þarf að vera tilbúinn til
að ferðast.
10. Notaðir bílar. Því að fara annað og láta svíkja sig. Komdu til
okkar!
11. Vinna í boði fyrir mann til að hugsa um kú sem hvorki reykir né
drekkur..
12. Ólæs? Skrifaðu okkur strax í dag og við munum veita þér ókeypis
aðstoð.
13. Gerum göt í eyru, meðan beðið er.

2005-12-03T17:19:00.000Z

Engan fyrirlít,
þótt aflvani sé
eða ljótr ok lágr skapaðr,
margr er hygginn,
þótt sé herfiligr,
maðr þótt lítil megi.
(Hugsvinnsmál vísa 66)

2005-12-02T23:29:00.000Z

hversu girnilegur er jarðaberjagrautur sem heitir Jordgubb????

2005-11-28T00:10:00.000Z

jájájá...var á roosalega góðum tónleikum! Sigur Rós var snilld, eins og alltaf...magnaðir óvæntir tónleikar sem fengu hjartað til að titra, munninn að gapa og eyrun að njóta....þetta verður ekki toppað í bráð!

2005-11-24T15:38:00.000Z

ég er heimskulega dagdreymin..stend sjálfa mig að því að góna út í loftið eins og bjáni og hugsa um fáránlega klaufaleg atriði, sem hafa bytheway ekki komið fyrir mig. Ég semsagt datt inn í dettusenu í mínum eigin heimi á bókó og glotti út í öll munnvikin...dáltið heimskulegt að sitja einn og flissa að eigin fyndni, sem er ekki einu sinni alvöru!!

2005-11-21T22:24:00.000Z

uppgötvaði nýtt melódískt band í dag...dishwalla...ekki fegursta nafn á annars flottu bandi, magnaðir tónar sem stytta mér stundir við lestur á kveðskap 12. og 13. aldar!!

2005-11-21T12:54:00.000Z

Afrakstur heimsku minnar liggur í hrjúfum höndum þess sem kann ekki með hana að fara.
Mér verður illt við tilhugsunina eina að vita til þess að spor míns lífs liggi á víð og dreif eftir ferð mína á lífsins vegi. Kannski er kominn sá tími til að skera af sér böndin, þá fjötra sem halda mér fastri við fyrri upplifanir og uppákomur. Halda áfram leið sinni algjörlega frjáls og án þeirrar fortíðar sem illt er að muna og lifa eftir.
Það er skrítin tilfinning að horfa á lifandi lífið dansa fyrir augunum á manni, en standa kyrr og sjá ekki einu sinni taktinn. Ég veit að ég á mér ákveðin rythma, takt sem enginn annar hefur og enginn annar skilur, nema ég. Ég þarf að öðlast kjarkinn til að taka fyrstu sporin, ein og óstudd.

2005-11-16T14:45:00.000Z

á þessum kalda vetrardegi er mér frekar heitt í hamsi. Það vefst fyrir mér hversu fólk á erfitt með að setja sig í spor hvers annars. Ég sjálf geri yfirleitt mitt besta með að reyna að setja mig í spor þeirra sem ég ræði við eða um og afla mér vitneskju hvers vegna andstæðingar mínir eru mér ósammála. Það er mér mikilvægt að skilja hversvegna ég er ósammála þeim sem ég er ósammála og hversvegna sá hinn sami kemst að annarri niðurstöðu en ég um málið sem um ræðir. Mögulega er það einnig ástæða þess að ég tala stundum gegn mínum eigin skoðunum, þe ef svo ber undir að mér þykir á einhvern halla í umræðunni. Ef ég get sett mig í hans spor, þykir mér mjög mikilvægt að sá flötur á umræðunni sé einnig hafður að leiðarljósi. Því á ég mjög erfitt með að skilja afstöðu þeirra sem hvorki hlusta á málaefnaleg rök fyrir skoðunum annarra, né geta hugsanlega reynt að skilja afstöðu þess sem við á.

Er þjóðfélagið orðið svona einstaklingsmiðað og einstrengingslegt, að náungakærleikurinn er með öllu fyrir bí? Skyldi það einhverntímann gerast að þeir stærri og drottnandi í þjóðfélaginu, hvar sem þessa líkingu er að finna, vaki yfir hagsmunum þeirra sem minni eða veikburða eru af einhverjum sökum og finni það hjá sér að stíga til hliðar með hagsmuni þeirra að leiðarljósi í stað sinna eigin. Eins og málum í dag er háttað vilja allir sína sneið af kökunni sem er í boði hverju sinni og það vel væna sneið. Því er sjálfsagt erfitt að vera toppurinn á ísjakanum og þurfa að gera öllum til geðs sem neðar í ísinn eru frosnir fastir. Það er hins vegar mín skoðun að þegar hagsmunir eru hafðir í huga, á að hafa þá í huga.

Ég ber að sama skapi þrátt fyrir skoðanir mínar og stöðu þeirra í umræðunni, virðingu fyrir verkum annarra og þegar mér er tjáð að hlutirnir séu í ákveðnum farvegi verður maður að taka viljan fyrir verkinu trúanlegan....annars er maður engu skárri en einstaklingsmiðaði maðurinn með öndverðu skoðanirnar.

2005-11-14T17:13:00.000Z

Hún blótaði í hljóði. Blóðrauða tilveran var á floti, en hún var einungis sýnileg í endurspeglun daufra augnanna sem sátu óþarflega djúpt í kríthvítu andlitinu. Það glumdi í beinaberu andlitinu þegar tennurnar glömruðu í munninum, kverkarnar voru skraufþurrar. Verkurinn í fisléttum líkamanum nýsti í gegnum merg og bein, kroppurinn gekk sundur og saman og hún engdist eins og ormur á grænu laufi í ferskum rigningarangan. Hugurinn brá upp einni nýstárlegri mynd af nýju blótsyrði þegar enn annar krampinn hóf keðjuverkan sína frá upptökum skjáltasvæðisins...12 sinnum á ári í 4 daga í senn...

2005-11-13T06:09:00.000Z

amm...ég veit hvað klukkan er, ókristilegur bloggtími með öllu!! Vinnuhelgi dauðans er yfirstaðin, djamm eftir vinnu í gær og djamm eftir vinnu í kvöld..."hitti" Quentin Tarantino áðan. Til að orða það fallega, þá skulum við segja að maðurinn er minna fríður í fjarlægð en á myndum!!!

2005-11-10T11:04:00.000Z

Sumum finnst ég eflaust skrýtin..ég verð eiginlega að vera þeim sammála, mér finnst ég ekkert venjuleg.
Ég er skrítin vegna þess að ég eyði tímanum mínum til einskis, dansa heima hjá mér þegar enginn sér (vonandi!) til, finnst ógeðslega leiðinlegt að vaska upp, elska tónlist og get hlustað á sama lagið hundraðsinnum án þess að fá leið á því, ég get látið tónlist stjórna því í hvernig skapi ég er í, fer alltaf of seint að sofa, hef yfirleitt mikið að gera, get fengið leið á því að hafa mikið að gera, þegar ég hef nóg að gera og nenni því ekki langar mig til að gera eitthvað allt annað, ég á viðbjóðslega erfitt með að vakna á morgnana, en mamma hringir í mig og vekur mig á nánast hverjum morgni svo ég drattist á fætur.
Svo til að kóróna þennan tilgangslausa og skrítna lista um sjálfa mig, þá langar mig að segja ykkur að á þessu tímabili langar mig alltaf í eitt! Það hefur ekki gerst undantekning frá þessu síðan ég hóf nám mitt í háskólanum fyrir tæpum 3 árum. Ég er ekki að tala um betri glósur, tímasókn og það crap sem vart þarf að taka fram að er á listanum! Heldur er ég að tala um nýja heimasíðu....Þegar hver próftörn nálgast aukast bloggfærslurnar upp úr öllu valdi og kláði kemur í puttana að fara að taka til í tenglalistanum, sem mér finnst leiðinlegra að gera en vaska upp, og svo hanna nýja síðu!
Sjáum hvað setur...

2005-11-09T16:24:00.000Z

það er víst gömul hefð að vitna í Maríu á skrifstofunni í málfræðidæmum í útgefnu efni eftir kennara íslenskuskorar. Þessi gamla rótgróna María á skrifstofunni hætti einn daginn því hún var orðin svo leið á því að fá ekki prósentur af gríðarlegum hagnaði er bækurnar skiluðu í vasa kennaranna, enda nafn hennar einn helsti efniviður dæma þeirra.
Þá var hafin dauðaleit að nýrri Maríu, svo ekki þyrfti að uppfæra alla árganga af málfræðibókum Málfræðistofnunnar Háskóla Íslands. Hún fannst og hef ég orðið þess afspurnar að hún beri nafnið María Ásdís, en enginn veit hver hún er. Því ætla ég að stinga uppá nýbreytni, mér finnst Edda á kaffistofunni vera rótgrónari og meira lýsandi fyrir nemendalíf okkar í Árnagarði og því legg ég til að bækurnar verði endurskoðaðar og Maríu á skrifstofunni kippt út og Edda á kaffistofunni fái sinn virðingarsess í stöðu málfræðiheimsins!

2005-11-08T23:21:00.000Z

í dag gerðist ég pervert og klæddi mig úr brjóstarhaldaranum niðri í þvottahúsi...Það var samt ekki bara gamansins og spennunar vegna, heldur fattaði ég þegar ég var komin niður og búin að troða í vélarnar að ég var enn í þeim sem ég ætlaði að þvo, svo ég bara leysti smellurnar og dró hann út um ermina eins og skvísurnar gera í bíómyndunum...var samt ansi fegin að hafa komist upp með þetta óséð, hefði verið verra að vera staðin að verki!!

2005-11-07T13:43:00.000Z

ég lenti í einstaklega furðulegu atviki á föstudagskvöldið sem náði að eyðileggja fyrir mér annars ágæta skemmtun. Þeir sem þekkja mig vita að ég er ekki vön að láta skapið stjórna mér eða hlaupa með mig í gönur (hvað orð er þetta???), en það hefur einnig ekki tíðkast hjá mér, hélt ég amk. að þurfa að hafa rétt fyrir mér öllum stundum, vera svo stolt að ég gæti ekki bakkað með það sem ég var byrjuð að halda fram og svo ákveðin að heilt starfslið var farið að óttast rökræðni mína..en allar þessar hliðar voru uppá teningnum þetta kvöldið.
Ég sem sagt lenti í hávaðarifrildi við eymingjans mann (jáh..ræfill og rindill ertu karlpungur) um einn skitinn bjór..mér er enn heitt í hamsi!! Nenni ekki að tíunda rifrildið hér, en það var háð í 3 lotum, beittar háðsglósur voru aðalvopn andstæðinganna og sú óskráða regla um að viðskiptavinurinn hafi rétt fyrir sér, orðtakið sá vægir sem vitið hefur meira og völdin áttu svo sannarlega ekki við á þessum viðbjóðsstað. Þetta var semsagt hundleiðinlegur og gamall bitur lítill maður sem sagði að við háskólapakkið mættum bara hanga einhversstaðar annarsstaðar, ef við vissum ekki betur!!! Ég vissi það eins og ég stóð galvösk með munninn á gátt og réttlætið gusaðist út úr mér að svona myndi ég aldrei leyfa mér að haga mér, þessi framkoma myndi aldrei líðast á mínum vinnustað.
Þetta er í eina skiptið á allri minni lífsleið sem mig hefur langað til að kreista líftóruna út um afturendann á þessum aumingja....ég er ennþá með hroll yfir dónaskapnum sem mér var sýndur þetta kvöld!!

2005-11-07T01:21:00.000Z

er svo þreyttþreyttþreytt...hversvegna er ég ekki farin að sofa?

2005-11-04T10:09:00.000Z

Lýsi eftir vitnum að stuldi er fór fram í vikunni sem leið. Um er að ræða hugmyndaflug eiganda, það er blátt að lit, í miðlugsstórum brúnum pappakassa og er enn verðmerkt. Eigandi varð þess var á fimmtudaginn sem leið að ekki var allt með felldu í hugmyndastarfseminni og varð þá ljóst að sendingin hafði ekki skilað sér á leiðarenda. Því er sárt saknað. Sá sem getur einhverjar upplýsingar gefið um verknaðinn er beðinn um að skilja eftir hugmyndir á formi kómenta í kerfið hér fyrir neðan.

2005-11-02T13:10:00.000Z

svo ég haldi áfram með þessa ropumræðu..ætla að vitna í orð gunnu sem gubbuðust uppúr henni svona í tilefni af ammælisdeginum.
"það er skárra að ropa í augað á sjálfum sér, en að prumpa í augað á öðrum!"

..og hafiði það

2005-11-01T17:20:00.000Z

í dag tókst mér að ropa í augað á mér....veit ekki hvernig ég fór að því, en það var vont!

2005-10-28T15:28:00.000Z

það er snjókoma allsstaðar..meiraðsegja inní bílnum mínum..það er frost allstaðar, líka í bílnum mínum!
veturkonungur hefur svo sannarlega hafið innreið sína í daglegt lífið hérna á höfuðborgarsvæðinu. Það er merkilegt hvað það hægist á öllu þegar smotterís snjór fellur af himnum ofan, umferðin fer úr því að vera algjört offors í líkfylgdarhraðann góða svo að krónan mín verður allt að því óþolinmóð!!

2005-10-24T16:44:00.000Z

TIL HAMINGJU MEÐ DAGINN KONUR...lét að sjálfsögðu sjá mig á baráttufundi kvenna á Akureyri í dag, sjallinn var stappaður af konum á öllum aldri sem sameinuðust í baráttunni! Ég kinkaði kolli yfir þeim orðum sem mér bárust til eyrna í gegnum klið kvennanna, enda vel sammála öllu því er kom fram á fundinum.

Mögnuð samstaða enda löngu kominn tími til að vikja og halda áfram með þessi baráttuefni..það er í raun fáránlegt til þess að hugsa hversu mikill munurinn er á milli kynjanna enn þann dag í dag. Vissir þú þetta? (tekið af síðunni hennar evu)

...atvinnutekjur kvenna eru aðeins 64,15% af atvinnutekjum karla
...konur eru með 72% af launum karla fyrir jafnlangan vinnutíma
?barneignir hafa neikvæð áhrif á laun kvenna en jákvæð áhrif á laun karla
...margar konur búa við öryggisleysi og ógn á heimilum sínum
...ein af hverjum þremur konum verður fyrir kynbundnu ofbeldi á lífsleiðinni
...konur uppskera ekki í samræmi við menntun sína
?konur í fyrirtækjarekstri hafa verri aðgang að fjármagni
?ábyrgð á umönnun barna og heimilisstörfum er enn að mestu á höndum kvenna
...umönnunarstörf eru með lægst launuðu störfum á vinnumarkaði
...rödd kvenna er veik í fjölmiðlum
...litið er á líkama kvenna sem söluvöru
?kona hefur aldrei verið forsætisráðherra, bankastjóri eða biskup
...konur hafa aldrei verið helmingur þingmanna
...konur njóta ekki jafnréttis á við karla
...þessu þarf að breyta. Ég þori, get og vil!

Það er alveg sama hversu miklar tölur við getum týnt til og komið þessari einföldu staðreynd í mismarga búninga. Við það eitt að hugsa til þess að misrétti sem þetta eigi sér stað enn þann dag í dag fæ ég hroll niður bakið og óbragð í munninn. Engin ein kona getur breytt þessu..við verðum að standa saman og breyta því sem við breyta viljum!!!

2005-10-23T16:28:00.000Z

Dagurinn í dag er óttalega þunnur...hef samt mikla trú á að það sé ekki að öllu mér að kenna!! Reynsla gærkvöldsins er eitthvað sem ég ætla aldrei að upplifa aftur..

2005-10-21T12:08:00.000Z

sko...ekkert bloggleysi hrjáir mig lengur, búin að taka til í tenglalistanum mínum í fyrsta skipti í ár...sko mína!! Þetta þýðir að ég er búin að finna eitthvað sem ég er latari við að gera en að tæma póstkassann minn sem hingað til hefur verið á svartasta svarta listanum yfir dauðans hluti to do. Ef enginn sem þetta les er nú þegar búinn að leggja saman tvo og tvo og fá út rétta útkomu miðað við afköst og áhuga..þá sit ég á mínum aleina rassi og á að vera að læra!!

..Á meðan ég klára fyrirlestur, umsókn, dagbækur og verkefni...endilega leitaðu uppi nýja tengla á síður vina og vandamanna...Leitið og þér munið finna!!!

2005-10-21T11:27:00.000Z

Nýjasta trendið á heimilinu eru sjónvarpsstöðvarnar..82 fokkíngs rásir, danskar, þýskar, sænskar, norskar og enskar..það tekur sirkabát hálftíma að renna í gegnum þær allar!! Ég stoppaði samt lengur á einni þeirra challenge-sins vegna, en aðþrengdar eiginkonur á þýsku eru gjörsamlega óskiljanlegar...

-lag dagsins er she´s hearing voices með block party...nokk gott lag!

2005-10-21T00:06:00.000Z

Komin heim í heiðardalinn, fjöruga fjörðinn eða bara HEIM!!
Sit á Kaffi Karólínu í þessu, úldin og ógeðslega þreytt, með kaffibolla þó svo að klukkan sé orðin svívirðilega margt.
Sat á amtinu í allan dag og lærði. Meðalaldurinn í skólabænum Akureyri ef dæma á traffíkina á lesstofu bókasafnsins í dag er nokkrum tugum hærri en á bókhöðunni fyrir sunnan. Þarna sátu hnerrandi og hóstandi fræðimenn á öðruhverju borði og stafir hækjur og jafnvel göngugrindur heftu göngu um lesplássið. Hélt stundum að einn guttinn þarna myndi láta lífið í sumum hóstaköstunum. Leið hálf kjánalega þarna með fartölvuna mína og dúndrandi rokk í hedfónunum mínum..samt er fartölvan mín aldargömul, en hún virtist nýjasta tíska við hliðina á blekbyttunum og fjöðrunum sem haltrandi og hóstandi gamalmennin höfðu úr að moða.

2005-10-18T23:44:00.000Z

Ég er stíbbluð...er ekki með kvef heldur er það ritsífla sem hrjáir mig..alveg sama þrátt fyrir að hugmyndirnar hringsnúist í hausnum á mér eins og þvottur í þvottavél þá gerist bara ekkert þegar ég ætla að fara að pikka þær niður í tölvuna. Verkefnið sem ég er að reyna að leysa er samtalssena í lyftu....hver talar í lyftu!!
Í stað þess að stara á óþarflega hvítan tölvuskjáinn ákvað ég að fara að lesa gamalt blogg...frekar sorglegt að sitja einn heima á eins dimmu kvöldi og hlæja að eigin fyndni...
rakst á þessa setningu, sem er örugglega með þeim betri sem flogið hafa úr mínu sinni:
Nú eru þær fáu gáfur farnar, flognar út í veðurkuldann eins og orusstuskutlur úr pappírsafgöngum og eftir óma hugsanir mínar í húsakynnum höfuð míns sem eitt sinn hýstu heilann...!!

Held sveimér þá að þessi blogggáfa sem einu sinni einkenndi mig, hafi flogið inn í eilífðina við síðustu áramót!!

2005-10-17T14:58:00.000Z

Ég er alveg ferleg þegar kemur að tónlist..ef ég verð þeirrar gæfu aðnjótandi að heyra gott lag sem leggst afar vel að líðan minni, eyrun taka vel í tónfallið og höfuðið dúnkar létt með taktinum...þá er ekki aftur snúið!!

lag dagsins í dag sem og alla síðustu viku er því shine með sevendust...melósískt rokk í amerískum sérflokki, ef sérflokk má kalla!

2005-10-14T12:49:00.000Z

hæ ég heiti Lára og þjáist af fjarstýringarleti og valkvíða!

í gær var ég í fýlu með allmarga marbletti og laskaða siðferðiskennd og vegna þeirra kvilla fór ég ekki í vínsyndaferð með mímisvélinni heldur hékk heima hjá gunnu eins og slytti á þorrabakka og lærði!!!
Ég tók í þessu frekar undarlega ástandi mínu þá afdrifaríku ákvörðun að fara EKKI á airwaves þetta árið....meiri skandallinn þar á ferðinni því ég gerði þau mistök eða kórónaði meistaraverk fáránleikans með að bera tillögu mína á frumstigi undir móðir mína sem greip hugmyndina glóðvolga og hélt í hana dauðataki. Í stað þess að slamma hausunm við harða rokkmússík heila helgi og hella í mig öli, skyldi ég heim!!
Í dag eru marblettirnir að hjaðna, siðferðiskenndin er komin á réttan stað bak við hægra lærið og heimþráin hefur minnkað eilítið vegna ánægjulegs símtals við múttuna í gær og því er hin gamalkunna airwaves-tilhlökkun farin að láta kræla á sér á ný..
Því spyr ég kæru vinir og óvinir, sem hér þramma um....get ég svikið aldraða móður, sem hefur þegar hafið komu mína norður yfir heiðar, búin að bóna gólfið í herberginu mínu, búa um og baka en einnig þeirra fjölskyldumeðlima sem taka myndu þátt í annars hátílegu uppáhaldi komu minnar og haldið hátíðlega airwaveshátíð???

...eða kannski ætti ég bara heim....

2005-10-13T21:26:00.000Z

Í dag datt ég niður stiga í Árnagarði og beyglaði á mér löppina, ég gekk samt hnarreist í burtu þrátt fyrir áhyggjur þeirra sem nærri stóðu er óhappið varð. Þakkaði guði fyrir að halda ekki á fullum kaffibolla eins og svo oft þegar ég geng upp og niður tröppurnar þar á bæ. Mér fannst samt öllu verra, fyndnara eða mögulega vandræðalegra þegar það gekk inn á mig maður meðan ég var að hysja upp um mig buxurnar á klósettinu í Nýja garði...

2005-10-07T11:18:00.000Z

núna hef ég ekki bloggað í tæpar tvær vikur...og mér líður alls ekkert illa....næsta verkefni bloggsins átti að vera þetta fáránlega klukk, en þar sem mér finnst hundleiðinlegt að skrifa eftir fyrirfram ákveðnum reglum þá er ég að hugsa um að hætta á hægrifótarmissi, vinslit í hrönnum og eilíft ástleysi með því klukkast ekki!!!

Annars var ég búin að láta mér detta fullt í hug til að blogga um, en þar sem ég þjáist af fjarstýringarleti nennti ég að sjálfsögðu ekki að skrifa það hér inn þegar það tók tíma frá annars heimspekilegum hugsunum mínum. Núna man ég það að ekki og nenni að sjálfsögðu ekki að rifja það upp!!!

Fór á tónleika í gær, til styrktar kynferðismisnotkunar á börnum....nei ég meina gegn kynferðismisnotkun á börnum *roðn*....þessi setning kom ansi oft fyrir í gær, hjá mér sem og öðrum lands-og útvarpsmönnum sem fjölluðu um þennan frábæra málstað. Mér fannst sorglegt hversu fámennt var...kannski hafa fleiri misskilið þetta eins og ég!!!!

until next...so long suckers!

2005-09-26T18:51:00.000Z

ég hef verið klukkuð...að mér vitandi 3svar sinnum! Ég ætla samt ekki að setja saman 15 staðreyndir um sjálfa mig, ætla að taka mér það bessaleyfi að slá þessum klukkum saman í eina og slá þar með 3 í einu höggi og henda þannig fram vita vonlausri vitneskju í formi 5falds fróðleiks um sjálfa mig..en bíðið róleg og örvæntið eigi..þetta kemur allt með kalda vatninu. Þetta verkefni veldur mér samt sem áður ugg og andvaka nóttum og vona ég að sá sem á heiðurinn af klukki þessu sé mér samferða í svefnleysinu!!

2005-09-21T22:52:00.000Z

hmm....viðbrögðin við síðustu færslu, flest fyrir utan kommentakerfið, voru á þann hátt að fólk heldur að ég sé algjörlega búin að missa vitið!!
Er byrjuð í skólanum og að sjálfsögðu búin að koma mér í fleiri einingar en ég get talið á tám og fingrum, er að vinna aðrahverja helgi, tvisvar í viku við elskulegu skúringarnar og hafði hugsað mér að ljá röskvu einhvern hluta af mínum kröftum..Þetta verður skemmtilegur vetur, fullur af fróðleik, fjöri, fé og fjársjóðsleit!

2005-09-20T13:04:00.000Z

Hún situr í sófanum og er í molum, en enginn veit hvað það var sem splundraði henni. Höfuðið húkir í kjöltu hennar og standa æðar og allskyns taugar uppúr frárifnum hálsinum og pumpa blóði á hvíta fína sófann. Hún situr þráðbein í baki, þrátt fyrir höfuðmissinn, eins og mamma hennar hafði svo margoft bent henni harðneskjulega að gera. Í kringum hana liggja allar bækur Þórbergs Þórðarsonar, en hún hafði þrátt fyrir meðvitundarleysið og blóðmissinn náð að forða megninu af safninu sem pabbi hennar lánaði henni frá slettunum. Læknirinn sem kom og skoðaði hana sagðist ekki geta gert sér í hugarlund hversvegna svona væri ástatt fyrir henni, hún yrði bara að fara vel með sig, tengja höfuðið framhjá í nokkra daga og liggja fyrir, gott væri að taka inn vítamín og hvíla sig. Það gerði hún og hvíldi sig og hvíldi sig. Og hún hvíldi sig meira og meira. Á þriðja degi steig hún úr fletinu og gekk af stað í skólann, með hausinn í bónuspoka, en þar var enginn sem kippti sér upp við að hún væri með hor í nefinu.

2005-09-14T19:52:00.000Z

hmm...spurning að deyja eða drepast?! Ef bloggið mitt væri manneskja væri það úrskurðað látið, ef ekki væri um legu á gjörgæslu að ræða og tengingu við súrefnisvélar og mæla af mörgu tagi...Bloggið mitt hefur þó 9 líf eins og kötturinn og því er spurning um að skella einni heilabylgju og hálfri hjarta inn í formi þessa bloggs. Lesendur geta þá sér til gamans glaðst yfir endurkomu minni, haldið hátíðir og heilög matarboð um alla borg, en aldrei að vita, þetta blogg á mögulega eftir að deyja drottni sínum í vetur...Þá lesendalaust og allslaust, eftirlanga en afar slappa baráttu við dauðann!
Svo ég víki að öðrum sálmi en dauðanum, þá er ég orðin mamma....í guðsbænum ekki fara að hella inn kommentum með hamingjuóskum um barnsburðinn, því einsárs var það í vikubyrjun þegar ég tók við því og eins árs verður það þegar ég skila því af mér í vikulok..

Lúsakjálkinn hefur týnt færeyskunni og tekið til máls á ný...

2005-08-21T22:49:00.000Z

Hesin lúsakjálkin hevur stolið málærunni!!!

2005-08-14T23:34:00.000Z

wóh....afgreiddi rokkgoðið alice cooper í dag!! það besta er samt að ég hafði afgreitt hann nokkrum dögum áður og var jafn clueless þá og í dag um hvaða mann væri að ræða, enda maðurinn ómálaður með derhúfu og sólgleraugu..úhh...

2005-08-07T21:45:00.000Z

árinu eldri..dagurinn í gær var nokkuð góður miðað við skemmtun föstudagsins, vinnu og afmælisdag! Skrítið að vera í fyrsta skipti án fjölskyldunnar á afmælisdaginn, en allt fór vel þrátt fyrir úldna framkomu snemma morguns við afmælissöng, heslihnetusíróp um allt gólf og gaypride. og við vinkonurnar skemmtum okkur vel við kalúa og rommdrykkju og marengstertuát síðla kvölds..takk allir fyrir góðar gjafir eða kveðjur á góðum degi..

2005-07-26T21:51:00.000Z

köben var æði...strikið skartaði sínu fegursta, fjölbreyttu mannlífi, ótrúlegu magni af myndarlegum karlmönnum, ódýrum varningi og frábæru veðri, svo ekki sé minnst á fjölbreyttu úrvali af góóóðu og einstaklega bragðgóðu öli....ég kíkti í örskamma stund milli ölþambs og búðarráps inn í búð af öðrum toga en H&M og ölstofurnar gefa sig út fyrir að vera, en sú búð kallast Candy Megastore og er að finna rétt fyrir utan strikið. Þar týndi ég saman góða samsetningu af afbragðs góðu nammi fyrir ónefndan pening, og gat að sjálfsögðu ekki torgað því öllu þar til heima til íslands var komið....Ég var semsagt að taka til í fartaskinu mínu og plokka vel samanþjöppuð fötin mín uppúr ferðatöskunni minni og rakst á nammipokann þar hálftóman og vel sjúskaðan..mín var ekki lengi að stinga upp í sig einu stykki af köben namminu, en fann hálfgert óbragð af gamla og blauta molanum sem varð fyrir valinu. Hugsaði þó ekkert meira um það, fyrr en ég tók upp svitarollonið mitt og varð þess vör að það hafði lekið úr því á leiðinni og enn verra að það hafði verið næst við nammipokann minn í pakkningunni og var því ekki lengi að átta mig á að óbragðið af annars yndislega nammimolanum mínum var svitarollonskeimur og ég gat sagt að það bragðast sko aldeilis ekki vel....!!

2005-07-19T13:40:00.000Z

það er nú blessuð blíðan...og minns í fríi, sveimér ef ég skelli mér ekki bara út á austurvöll og flatmaga í sólinni...svo er það bara köben á fimmtudaginn og dunandi dans, djamm, bjór og almennt afslappelsi verður við völd....í allri þessari gleði vildi ég óska að ég mætti bara vera eftir á áfangastaðnum!!

2005-07-18T00:05:00.000Z

þegar ég kom heim eftir að hafa kíkt á lífið eftir vinnu í gær lá það í augum uppi að mikið fjör hafði verið um kvöldið hjá einhverjum íbúum stúdentagarðanna...eitt forláta fjallahjól hafið verið dregið að húni fyrir framan 10-11 búðina í blokkinni minni. Þetta var einstaklega skemmtileg sjón, en ég er ekki viss um að hún hafi vakt eins mikla kátínu hjá starfsmönnum búðarinnar þegar þeir mættu í vinnuna nokkrum tímum síðar...hjólið var enn á þessum stórskrítna en skemmtilega stað þegar ég hélt af stað í vinnuna um hádegið í dag...það voru því engir blaktandi 10-11 fánar fyrst um sinn í dag aðeins fagurt fjallahjól!!

2005-07-16T04:46:00.000Z

ég rölti í fersku og fögru sumarkvöldinu í átt að bílnum mínum, sem ég hafði parkerað við tjörnina fyrr um daginn. Tók eftir því útundan mér að álegndar stóð einstaklingur, en lét það engu skipta og herti gönguna sem var heldur þreytt eftir langa vinnuvakt. Eftir því sem fæturnir skiluðu mér nær bílnum mínum sá ég að ekki aðeins var um einn einstakling að ræða heldur tvo sem vafðir voru saman á einkennilegan hátt, hendur kræktar aftur fyrir bak á hvort öðru og höfuð kvenmannsins í vafningnum draup eilítið og snerti öxl karlmannsins. Þetta var greinilega innileg stund þar sem fátt eða ekkert annað komst að í þeirra huga en manneskjan sem á móti stóð. Óhjákvæmilega tókst mér að eyðileggja þessa stund, eða að minnsta kosti trufla hana í örfáar mínútur en ég tiplaði á tánum í átt að þeim og læddist inn í bílinn minn. Þau stóðu fyrir framan eina bílinn á bílastæðinu og aldrei hefur mér fundist eins fúlt starta bílnum mínum með tilheyrandi látum um miðja nótt...

2005-07-14T00:07:00.000Z

jah...ég ætlaði rétt í þessu að vera dugnaðarforkur og fara að grynnka á fatahrúgunni sem hefur myndast inni á sturtugólfi hjá mér...var farin að hlakka til að geta gengið að úrvali nærfatnaðar og sokka í skápnum á morgun sem hefur ekki verið til að hrópa húrra yfir síðustu daga. Þrátt fyrir að um ólöglegt athæfi með öllu ætlaði ég að láta slag standa í kvöld, stela þvottaefni af nágrönnunum og æra þá með þurrkarahjóðum fram á rauða nótt...en allt kom fyrir ekki, gullslegin og nýþvegna ilmandi draumaveröldin hrundi því engin innistæða er á bannsettu þvottakortinu! Þarf því að slást um þvottavélayfirráð á morgun...

2005-06-27T14:23:00.000Z

Ég lýsi hér með eftir hávöxnum myndarlegum manni sem vantar nauðsynlega miða á Reykjavík rocks hátíðina. Innifalið er aðgöngumiði á a-svæði á DuranDuran tónleikana og tónleikana með Foofighters og queens of the stone age! Innifalið með þessum annars snilldar tónleikapakka er ég í fartaskinu en kaupandi verður að geta axlað þá ábyrgð að bera mig á bakinu....!! Að öllu gríni slepptu hef ég miða til sölu....áhugasamir gefi sig fram í kommenternum!

2005-06-07T13:33:00.000Z

ég var gjörsamlega á síðustu dropunum og hvar sem ég kom að voru hindranir. Ég þurfti sífellt að breyta um stefnu og hugsa upp nýjar og nýjar leiðir að takmarki mínu, en það sem íþyngdi mér mest var þó orkuleysið. Ég braust á óskiljanlegan hátt fram úr hringiðunni og fann mér kyrrláta shellstöð fjarri allri ös..já vegavinnutálmar og malbiksfræsingavélar samhangandi við risastóra vörubíla sem stýrt er af miskunnarlausum og frekum vörubílstjórum eru ekki í uppáhaldi hjá mér þessa dagana. Ofaná allt saman er nýbúið að taka í gagnið nýtt vegakerfi á heimleiðinni minni sem ruglar meiraðsegja mig í ríminu og við justy erum skíthrædd og skjálfandi saman og förum hringeftirhring á helv. nýju hringbrautinni!!

2005-06-06T02:23:00.000Z

í dag tókst mér að leggja alveg óvart inn pöntun fyrir 401 stórri kók í stað einnar og herlegheitin áttu að kosta viðskiptavin minn um 120.000 en ekki 300 kr...hef lúmskan grun um að hann hefði þó ekki sætt sig við að borga áðurnefnda upphæð, en það má alltaf reyna!!!!

2005-06-04T04:49:00.000Z

var voða fín í vinnunni í dag, stutt pils og svartar sokkabuxur urðu fyrir valinu af fíneríi fataskápsins...tók eftir því þegar ég var búin að þeytast um í allmargar klukkustundir milli viðskiptavina að eitthvað óþægilegt var að bögga mig á lærinu...þegar ég gaf mér tíma til að kanna þetta nánar og kafa ofaní buxurnar niður á mitt læri dró ég upp alllanga brókarteygju sem hafði sest þar að í þurrkuninni! Hafði sem sagt verið ansi mikil gella með bút úr hvítri nærbuxnateygju á lærinu inn um alla sætu strákana!! skondna ég..

2005-05-30T23:58:00.000Z

hef komist að því undanfarna daga að ég er sannkölluð miðbæjarrotta. Finnst voðalega næs að rölta um bæinn með kaffitogo í annarri og myndavélina í hinni og virða fyrir mér skrautlegt lífið í bænum!! Lagði til við sumarið fyrir um mánuði síðan með túrismann í huga þar sem þetta er fyrsta sumarið mitt í höfuðstað landsins og hef lagt mig í líma við að uppfylla mín vit af því sem borgin býður uppá fyrir utanlandsmenn...þar hanga túristarnir er það ekki!? Hvarla mætti að sumum lesendum þessa bloggs að tilgangurinn væri að leita þá uppi, en svo er þó ekki!!
Draumurinn væri þó að vera fastagestur laugavegsins með það í huga að eiga þar heima, ekki þó sem róni eða sannkallaður djammari...heldur geta horft á mannlífið út um gluggann á góðvirðisdegi með heimalagað kaffi í gömlum og slitnum bolla!! Draumur í dillandi kókdós..

2005-05-24T02:00:00.000Z

fussumsvei...hvað gerir maður þegar nánast allir vinir manns ákveða að fara til útlanda á sama tíma!? Ef ég væri ekki svona frábær (humm..?) þá myndi sjálfsagt hvarla að mér að þetta væru samantekin ráð...ekki nóg með að þeir sem ekki flýja land eru annað hvort á hinu landshorninu eða enn í prófum!! til að bæta gráu ofan á svart eru þetta svo spennandi ferðalög, afríkuferð, mexíkó, tæland, costa del sol og evrópureisa, að mig dauðlangar sjálfri og er græn af öfund....er í fríi næstu daga og auglýsi því hér með eftir félagsskap eða frábærum hugmyndum til að gera næstu daga að draumafríi sem jafnast á við allar þessar ferðir til samans....bjartsýni??!